آنکھ میں جتنےخواب بسےتھے ٹوٹ کے چکنا چور ہوئے
جو یہ منظر دیکھ رہے تھے ڈر کر فوراً دور ہوئے
رات عجب اک خوف بپاتھاہوش کی خالی گلیوں میں
باری باری بہہ جانے پر سب آنسو مجبور ہوئے
میں نے اپنی پیشانی پہ سرمےسے اک اسم لکھا
اور پلٹ کر جب دیکھاتوسارے پربت طُورہوئے
ایک کہانی یہ بھی تھی کہ ہم نے گھٹنے ٹیک دئیے
ایک فسانہ یہ بھی تھا کہ ہم کتنے مغرور ہوئے
تجھ سے پہلےمیں نےساری اچھی غزلیں لکھی تھیں
لیکن تجھ کوسامنے پا کرسب مصرعے کافور ہوئے
میری کہانی لوگوں تک تیری آنکھوں نے پہنچائی
میرے لئے جو تو نے دیکھے وہ سپنے مشہور ہوئے
میں نے کتنی بار نہ جانے کل خود پر انجیل پڑھی
دل پر دم کا پانی چھڑکا تب اچھے ناسور ہوئے
انجیل صحیفہ
Monday, April 6, 2020
آنکھ میں جتنےخواب بسےتھے ٹوٹ کے چکنا چور ہوئے
Subscribe to:
Post Comments (Atom)
No comments:
Post a Comment