Sab se chupa kar durd jo wo muskra diya
Uski hansi ne to aj mujhe rula diya
Lehje se uth raha tha Har ik durd ka dhuwa’n
Chehra bata raha tha ke kuch ghanwa diya
Awaz mein tehraoo tha ankhoon mein nami thi
Aur keh raha tha ke mein ne sab kuch bhula diya
Janay kia usko logoon se thien shikyatian
Tanhayoon ke dais mein khud ko basa diya
Khud bhi wo hum se bichar ker adhura sa ho gaya
Muj ko bhi itne logon mein tannha bana diya - - - -
No comments:
Post a Comment