Sad Urdu Poetry Latest Shayari Collection of 2020

Sad Urdu Poetry

سسکیاں

سسکیوں میں گزر گئی ،ہر رات جو اسکے نام تھی

آنسوؤں میں بہہ گئی، ہر بات جو اسکے نام تھی

کیوں دوش میں اسکو دوں بھلا،نہیں اسکی اس میں خطا کوئی

میں خود ہی مجرم ٹھہری کہ میری ذات بھی اسکے نام تھی

تیری غفلتوں کو خبر نہیں

میری زندگی کا سوال ہے

تجھے دیکھے بن جو جی لیے

انہی لمحوں کا ملال ہے

تیرے لمس کی ہے آرزو

تیری دید کی ہے تشنگی

کبھی کہیں سے تو آ کے مل مجھے

ابھی ملنے کا جواز ہے

کوئی گیت ایسا گنگنا

کوئی راگ ایسا چھیڑ دے

میری روح کے تار کو دیکھنا

تیری سر کا اب کمال ہے

تو جو بچھڑ گیا مجھے غم نہیں

تو ملا نہیں یہ ستم نہیں

میں جو جی رہا ہوں ابھی تلک

یہ سوچنا ہی محال ہے

اب لوٹ بھی آؤ کہ تیرے بن

کوئی خوشی نہ مجھ کو راس ہے

آہ! کاش میں بھی کہہ سکوں

آج مریض عشق بحال ہے

آج مریض عشق بحال ہے