Tere ishq ki intiha chahta hun,
meri sadgi dekh kya chaahta hun.
Sitam ho ki ho wada-e-be-hijaabi,
koi bat sabr-aazma chaahta hun.
Ye jannat mubaarak rahe zahidon ko,
ki main aap ka samna chaahta hun.
Zara sa toh dil hun magar shokh itna,
wahi lan-taraani suna chahta hun.
Koi dum ka mehman hun aey ahl-e-mehfil,
charaagh-e-sehar hun bujha chahta hun.
Bhari bazm mein raz ki baat keh di,
bada be-adab hun saza chahta hun.
No comments:
Post a Comment